ကျနော်နှင့် (ယွားဟေလူ) သို့မဟုတ် ပွိုင့် (၄၉၁) - အပိုင်း (၈)

 အပိုင်း (၇) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။
ဆွန်ဇူး၏ (ဒဿန) ကို (Apply) လုပ်ရန်၊ အကောင်အထည်ဖေါ်ရန် တပ်မှူး ဗိုလ်မှူးကြီး စိုးစိုးထံ သတင်းပို့ပြီး ဗိုလ်သွေးအား တပ်မှူးထံ ခေါ်သွားသည်။ ဘတ်ငွေ ငါးသောင်း ထုတ်ပေးလိုက်သည်။ ဗိုလ်သွေး တစ်ဖွဲ့လုံး မိမိတို့တပ်ဖွဲ့နှင့် ပူးပေါင်းလိုက် သည်။ မိမိတို့၏ တောင်ဘက်ပိုင်း (နအဖ) တပ်မှလွဲ၍ ရန်သူမရှိတော့ပါ။ ဗိုလ်သွေးနှင့် တောင်ပိုင်း (ဒညတ) ပြဿနာ   ပြေလည်သွားပါပြီ။




မှတ်ချက်။

ခေါင်းဆောင်ကြီး စောဘဦးကြီး၏ (The enemy of my enemy is my friend) “ငါ့ ရန်သူ၏ ရန်သူသည် ငါ့မိတ်ဆွေ ဖြစ်သည်” နှင့် တရုတ်စစ်ပါရဂူ ဆွန်ဇူး၏ (The supreme act of war is to subdue the enemy without fighting) “စစ်၏ အမြင့်ဆုံး လုပ်ဆောင်မှုသည် ရန်သူကို မတိုက်ရဘဲ အောင်နိုင်ခြင်း ဖြစ်သည်” ဆိုသည့် လမ်းညွှန်မှုကို မှန်ကန်စွာ အသုံးချ လိုက်သဖြင့် ဗိုလ်သွေးအဖွဲ့နှင့် ပေါင်းစည်းမှု ရလိုက်ခြင်း ဖြစ်သည်။ အကယ်၍ ဗိုလ်သွေးအဖွဲ့နှင့် တိုက်ပွဲ ဖြစ်ပွားရပါက ဘတ်ငွေ (ငါးသောင်း) ထက်မက ကုန်ကျမည် ဖြစ်ပြီး အသက်များစွာ ဆုံးရှုံးရုံမက အရင်းအနှီးနှင့် တန်ဖိုးများများ ပေးဆပ် ရမည် ဖြစ်သည်။

မြောက်ပိုင်းရှိ မွန်အဖွဲ့နှင့် တွေ့နိုင်ရန် စီစဉ်ရပြန်သည်။ (ဗဂုံမာန်) အဖွဲ့သည် (တရုတ်ဖြူ) ထံမှ အကူအညီ ရကြောင်း၊ တပ်မှူး တချို့ (တိုင်ဝမ်) တွင် စစ်သင်တန်း သွားတက် ကြောင်း၊ လက်နက်နှင့် စစ်သည်အင်အား ကောင်းမွန်ကြောင်း သတင်းရ သည်။ မွန်အဖွဲ့နှင့်တွေ့ရန် ၎င်းတို့နှင့်နီးစပ်သော ၎င်းတို့ထံ ဝင်ထွက်နိုင်သူကို ရှာသည်။ တွေ့ရပါသည်။ မွန်အဖွဲ့နှင့် ရင်းနှီသူမှာ ဗိုလ်သွေး ဖြစ်နေသည်။ မွန်အဖွဲ့နှင့် တွေ့ရန် ဗိုလ်သွေးအား စီစဉ်ခိုင်းရာ ၎င်းတို့မှ မိမိအား -

“တွေ့ချင်ရင် တစ်ယောက်ထဲ လာခဲ့” ရန် အကြောင်းကြားသဖြင့် မိမိတစ်ယောက်တည်း သွားရန် ဆုံးဖြတ်လိုက်သည်။

ဖထီး မန်းရောဘဇန်

ခရီးမထွက်မှီ မိမိရဲဘော်များနှင့် တွေ့ပြီး မွန်အဖွဲ့နှင့် သွားတွေ့ရေးကို ဆွေးနွေးရာ သဘောတူသူရှိသလို ကန့်ကွက်သူလည်း ရှိသည်။

“ဘာကြောင့် တစ်ယောက်ထဲ လာခိုင်းရတာလဲဗျ၊ အဖေါ်တစ်ယောက်တောင် ခေါ်သွားခွင့် မရရင် အသက်အန္တရာယ် မရှိနိုင် ဘူးလား”

“ရပါတယ်ကွာ၊ ဗိုလ်သွေးလည်း လိုက်မှာ ဖြစ်တယ်၊ မွန်အဖွဲ့ဟာ ငါတို့အတွက် အရေးကြီးတယ်”

မဟာမိတ်မဖွဲ့နိုင်ရင် ရေရှည်ရပ်တည်ဖို့ ခက်မယ်၊ ရန်သူကို အေးအေးဆေးဆေး တိုက်နိုင်မှာ မဟုတ်ဘူး၊ မွန်နဲ့ ကရင်ဟာ သမိုင်းစဉ်တလျောက်လုံး ဘုံရန်သူဆန့်ကျင်ရေးမှာ ဘဝတူတွေ ဖြစ်တယ်။ ကရင်လက်နက်ကိုင် တော်လှန်ရေး အစမှာ (KNDO) နဲ့ (MNDO) ရှိတယ်။ ရန်သူကို အတူ တိုက်ခဲ့ကြတယ်။ မွန်ခေါင်းဆောင်ကြီးတွေနဲ့ ကရင် ခေါင်းဆောင်ကြီးတွေကြား သစ္စာပြုချက် (၄) ချက် ရှိခဲ့တယ်။

မှတ်ချက်။

(KNDO) _ (Karen National Defense Organization)
(MNDO) _ (Mon National Defense Organization)

ဗိုလ်ကော်လာမှ - “ကျနော်ကတော့ သွားဖို့ သဘောမတူဘူးဗျ၊ ဘုရားသုံးဆူတိုက်ပွဲမှာ မွန်တွေ လက်ချက်နဲ့ ကျနော်တို့ တပ်ကြပ်ကြီး စောကဲ ကျသွားတယ်ဗျ”

“စစ်တိုက်တာဘဲကွာ ထိခိုက်၊ သေကြေကြတာတော့ ရှိမှာပေါ့၊ စစ်မဖြစ်အောင် အရင်လုပ်ရမယ်၊ နည်းလမ်းရှာရမယ်၊ မွန်အဖွဲ့နဲ့ တွေ့မှ အဖြူ၊ အမဲ ခွဲလို့ရမယ်။ သူတို့ သတ်လို့ သေသွားရင် ငါ့တာဝန် ကျေတာပေါ့ကွာ၊ “The enemy of my enemy is my friend” လို့ ခေါင်းဆောင်ကြီး စောဘဦးကြီး လမ်းညွှန်ခဲ့တယ်မဟုတ်လား”

မိမိနှင့် ဗိုလ်သွေး ကားငှားပြီး မွန်အဖွဲ့နှင့် သွားတွေ့သည်။ ၎င်းတို့ (ဂိတ်) အဝင်ဝတွင် လူခေါင်းခွံ နှစ်လုံးချိတ်ထားသည်။

“တယ်ဟုတ်ပါလား၊ အပြန်ခြေရာ ရှိပါ့မလား”

“လူဆိုတာ နှစ်ခါမသေဘူး” “Death rather than to be a coward” (သူရဲဘောကြောင်တယ်လို့ အထင်ခံရတာထက် သေတာက မြတ်တယ်) ဟု မိမိကိုယ်ကို တစ်ယောက် တည်းပြောပြီး…

မိမိတို့ လာမည်ကို (ဂိတ်) တာဝန်ကျများ သိထားပြီး ဖြစ်၍ ဝင်ခွင့်ရသဖြင့် တောင်တက် လမ်းအတိုင်း တက်လာသည်။ သွပ်မိုးများနှင့် မိုးထားသော သစ်သားအဆောက်အဦးများ၊ ကတုတ်များ၊ ခြံစည်းရိုးများ၊ ညှောင့်များ၊ ဆက်သွယ်ရေးမြောင်းများနှင့် ခိုင်မာသော စခန်းတစ်ခု ဖြစ်သည်။ ရုံးနှင့်တူသော အဆောက်အဦးသို့ ဝင်လိုက်သည်နှင့် ကျားဝတ်စုံ ဝတ်ထားပြီး ကြယ်သုံးပွင့်တတ်ထားသည့် ကျားဦးထုပ် ဆောင်းထားသော ဝဝဖိုင့်ဖိုင့် လူတစ်ဦးကို တွေ့သည်။ မိမိတို့အား လာနှုတ်ဆက်သည်။ ဗဂုံမာန် ဖြစ်ကြောင်း၊ ဥက္ကဌ ဆိုသူနှင့်ပါ မိတ်ဆက်ပေးသည်။ ရန်စီသာဟု မိတ်ဆက်သည်။ ဥက္ကဌ ဆိုသူမှ -

“ခင်ဗျား ကျနော့ကို မှတ်မိလား၊ ကျနော်တို့ သော်လဲထာ စခန်းမှာ တညလ အသံလွှင့်ဌာန ဖွင့်တော့ မွန်ဘာသာအစီအစဉ်ကို တာဝန်ယူကြောင်း ဖြစ်ကြောင်းကုန်စင်ကို ပြောပြ တော့မှ မိတ်ဟောင်းဆွေဟောင်းများ ဖြစ်နေတော့သည်။

မှတ်ချက်။

၁၉၇၁ ခုနှစ် တညလ (တိုင်းရင်းသား ညီညွတ်ရေးနှင့် လွတ်မြောက်ရေးတပ်ပေါင်းစု) အသံလွင့်ဌာနကို (သောလဲထာ) တောတွင်းတနေရာ၌ တည်ဆောက်ထားသည်။ ထိုစဉ်က ဦးတင်မောင်ဝင်း၊ သူ့ဇနီး ဒေါ်ဘေဘီနှင့် သမီး လဲ့လဲ့ဝင်း၊ ဦးသုဝေ၊ မြဝတီ ရဲခေါင်၊ ဦးထွေးမြင့်၊ ဦးရဲကျော်သူ စသည့် ခေါင်းဆောင်များ ပါဝင်ပြီး မွန်ခေါင်းဆောင် ရန်စီသာကိုပါ တွေ့ရှိခဲ့ခြင်း ဖြစ်သည်။ အသံလွှင့် အစီအစဉ် အဖွင့်သီချင်း တိုက်စဉ် မိမိက မယ်ဒလင် တီးသည်။ ထိုစဉ်က မိမိဖခင် မန်းဘဇန်သည် (တညလ) တပ်ပေါင်းစု ဥက္ကဌ ဖြစ်သည်။

အားလုံး အဆင်ပြေ ချောမွေ့သွားပြီး ဖြစ်သည်။ မိမိမှ “ရတနာပုံ ရန်သူ့စခန်းတိုက်လိုက ကျနော်တို့ကို အကြောင်းကြားရန်၊ အတူတိုက်လိုကြောင်း” ပြောထားသည်။ မွန်အဖွဲ့ စခန်းနားတွင် ရှိသော ရန်သူ့စခန်း ဖြစ်သည်။ နေ့လည်စာစားပြီး ၄င်းတို့၏ လက်နက်သိုလှောင်ရုံအား ဗဂုံမာန် ကိုယ်တိုင် လိုက်ပြသည်။( M 16, AK, AK စက်လတ်၊ RPG ၊ ၂၊ ၅၊ ရ၊ ၈၂ နောက်ပွင့်ရိုင်ဖယ်၊ ၆ဝ မမ၊ ၈၂ မမ စိန်ပြောင်း စသည့် လက်နက်မျိုးစုံ (ရဝဝ) ကျော် ရှိမည်ဖြစ်သည်။ နောက်ထပ် လက်နက်သိုလှောင်ရုံ သုံးခုရှိသေးကြောင်း ပြောပြသည်။

မွန်ညီအစ်ကိုများနှင့် မဟာမိတ်ဖြစ်လာခဲ့ပါပြီး စီမံချက်ပြီးမြောက်ခဲ့သည်။ အနောက်ဘက်ရှိ ရန်သူ ခလရ (၂၂၄) ကိုသာ စိတ်အေးအေးထားပြီး တိုက်ဖို့သာရှိတော့သည်။

 ဆောင်းပါးရှင် - ဖထီး မန်းရောဘဇန်