Fans of Mahn Robert Ba Zan

ကျနော်နှင့် (ယွားဟေလူ) သို့မဟုတ် ပွိုင့် (၄၉၁) - အပိုင်း (၃)


အပိုင်း (၂) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။

နံနက် (၅) နာရီထိုးသည်နှင့် ကရင်အမျိုးသားအလံတော် အလေးပြုခြင်းနှင့် သစ္စာ လေးချက် ဆိုကြသည် -
- ငါတို့သည် အမျိုးသားလွတ်မြောက်ရေး အတွက် တိုက်ပွဲဝင်ပါမည်။
- ငါတို့သည် အမျိုးသား ကိုယ်ပိုင်ပြဌာန်းခွင့်ရရှိရေး အတွက်                 တိုက်ပွဲဝင်ပါမည်။
-ငါတို့သည် ကျဆုံးလေပြီးသော အာဇာနည်များ အပေါ် သစ္စာရှိပါမည်။ - ငါ့အား အထက်မှ ပေးအပ်သောတာဝန်နှင့် ဝတ္တရားများကို  ကျေပြွန်စွာ ထမ်းဆောင်ပါမည်။
ဟု သစ္စာပြုပါသည် ဟူသော သစ္စာပြုသံသည် (ဝေါ်လေ) တစ်ရွာလုံးကို လွှမ်းခြုံသွားပါတော့သည်။




ခံစစ်ကုန်းတစ်ခုမှာ ဖထီးက ရဲဘော်များအား ခံစစ်ပြင်ဆင်မှု ညွှန်ကြားနေပုံ

တပ်ရေးဗိုလ်ကြီး စောစိုင်းမွန်သည် မိမိအား မိန့်ခွန်းခြွေရန် လာရောက်သတင်းပို့သဖြင့် တန်းစီထားပြီး သတိအနေအထား နှင့် ရှိနေသော ရဲဘော်များရှိရာသို့ သွားကာ -

“တပ်ဖွဲ့ သက်သာ၊ အေးစေ” အနေအထားနှင့် နေစေပြီး မိမိမှ စကား စပြောလိုက်သည်။

"ရဲဘော်တို့ - ငါတို့ မနက်ဖန် ခရီးထွက်တော့မယ်။ သွားရမဲ့ ခရီးက ဝေးတယ်။ တိတ်တိတ်ဆိတ်ဆိတ် ရှိဘို့ လိုတယ်။ သတ်မှတ်ထားတဲ့ ကားရပ်မဲ့ နေရာရောက်မှ အိမ်သာ တက်ရမယ်၊ စားရမဲ့နေရာရောက်မှ စားရ သောက်ရမယ်။ တို့တတွေ ဟာ ပျော်ပွဲစား ထွက်တာ မဟုတ်ဘူး၊ စစ်ဆင်ရေးကြီးတစ်ခုကို ဆင်နွှဲရမှာဖြစ်တယ်။ အသွားခြေရာဘဲ ရှိရင်ရှိမယ်။ ဘာဘဲ ဖြစ်ဖြစ်၊ စစ်ထဲဝင်ကတည်းက ရှင်သေမင်းကို သစ္စာနှံထားကြပြီး ဖြစ်တယ်။ အမျိုးသားအလံတော်ကို ကိုင်တွယ်သစ္စာ ဆို ထားပြီးလဲ ဖြစ်တယ်။ ဘယ်နေရာ၊ ဘယ်အချိန်ဘဲ သေသေ၊ ကြိုက်တဲ့အချိန် အမျိုးသား အတွက် အသေခံတိုက်ပွဲဝင်မယ်လို့ ငါတို့အားလုံး သစ္စာပြုထားတယ်၊ အဆန်းမဟုတ်ဘူး။ (Death Rather Than Slavery, Death Rather Than to be a coward) “ကျွန်ဖြစ်ရခြင်းထက် သေတာက မြတ်တယ်၊ သူရဲဘောကြောင်ခြင်းထက် သေတာက မြတ်တယ်” လို့ ငါတို့ ခံယူထားကြပြီး ဖြစ်တယ်။ ခု တန်းစီထားတဲ့ ရဲဘော်အားလုံး ငါနဲ့လိုက်မဲ့ ရဲဘော်တွေ မဟုတ်လား။"

“ဟုတ်တယ်” ဟူသော အဖြေ တစ်ကွင်းလုံး ဆူညံသွားသည်။

လိုက်မဲ့ ရဲဘော်စာရင်းကို တပ်ရေးဗိုလ်ကြီးက ဖတ်ပြသည် - မန်းရာဘတ်ဇန်၊ စောစိုင်းမွန်၊ စောတင့်လွင်၊ စောထူးထူး၊ မန်းငြိမ်းငြိမ်း၊ စောကော်လာ၊ စောထဲနစင် (KNU/KNLA)၊ စောကေး ဒိုစေး၊ စောသောထူး၊ (ယွားဟေလူတိုက်ပွဲ၌ ကျဆုံး)၊ စောထီဘလု၊ စောဖိုးသာထူး (ယွားဟေလူတိုက်ပွဲ၌ ကျဆုံး)၊ မန်းထွန်းမြင့်၊ မန်းကြာကြေး၊ မန်းအောင်ထွန်း၊ မန်းနန်းအောင်၊ မန်းအေးသောင်း (DKBA)၊ မန်းကတုံး (ဇဒိန်၊ လေညှာတိုက်ပွဲ၌ ကျဆုံး)၊၊ မန်းရွှေမန်းစိန်၊ မန်းချစ်ဝင်း၊ စောမော်ကွီး၊ မန်းဂျိုးဖြူ၊ မန်းတင်ထွန်း (ဇဒိန်၊ လေညာတိုက်ပွဲ၌ ကျဆုံး)၊ မန်းဝင်းဘို၊ မန်းဒေးဗစ်၊ ကိုကျော်စွာ (ဆုံး) စောသန်းဝင်း (စောကုလား)။ မန်းမောင်အေး၊ စောပန်းဝေ၊ မန်းကြည်မြင့်၊ မန်းကြည်အေး၊ မန်းသောင်းစိန်၊ မန်းသာဓု၊ မိုဟာမက် ငမဲ (ကျော်ဆန်း)၊ စောဝင်းနေထူး၊ စောကော်နေထူး၊ စလိုင်းနေဦး၊ မန်းလဘို၊ စောဆာဒူးဒူ၊ မန်းစောငယ် (ဆုံး)၊ မန်းလှမြင့် (ဆုံး)၊မန်းမြင့်လှိုင်၊ မန်းကျော် ဇေယျ၊ မန်းကျော်မိုးနိုင်၊ မန်းအဖု၊ မန်းအယိုင့် (DKBA) မန်းရွှေလာ၊ မန်းမောင်ပိန်၊ စောသက်ဇော်၊ စောခင်မောင်ထွန်း၊ မန်းကျော်ကျော်နှင့် စောလားဟေးတို့ ဖြစ်ကြောင်း ဖတ်ပြသည်။ စုစုပေါင်းရဲဘော် (၅) ကျိပ် ဖြစ်သည်။

တပ်ရေးဗိုလ်ကြီး စောစိုင်းမွန်က အင်အားစာရင်း ဖတ်ကြားပြီးနောက် မိမိမှ မိန့်ခွန်း ဆက်ပြောသည်။ "ရဲဘော်တို့ - စစ်ထွက်ပြီဆိုရင် ချစ်ဦးသူတွေကို ခွဲခွာရမယ်။ အိမ်သူ သက်ထား ချစ်ဇနီးမယားတွေ၊ သားသမီးတွေကို ရက်ရှည်လများ ခွဲခွာရမယ်၊ ဒါဟာ ကမ္ဘာ့စစ်သမိုင်း အစကတည်းက ဖြစ်ရှိခဲ့တဲ့ တရားတွေဖြစ်တယ်။ ငါကတော့ ရှေ့တန်း ထွက်ပြီဆိုတာနဲ့ အားလုံးကို မေ့ထားလိုက်တယ်၊ ဘာသံယောဇဉ်မှ မထားဘူး၊ ငါတစ်ယောက်ထဲရှိတယ်လို့ ခံယူလိုက်တယ်။ ဒီလိုမှမဟုတ်ရင် ငါလည်း လူတစ်ယောက်ဘဲကွ၊ မိသားစုကို သတိရတာတို့ လွမ်းတာတို့ ဖြစ်တယ်။ ဒါကြောင့် အားလုံး မေ့ထားလိုက်၊ ပြန်တွေ့ကြမှဘဲ တဝကြီး ချစ်ပေါ့ ဟုတ်လား" ဟု မိန့်ကြားပြီး တပ်ရေးဗိုလ်ကြီး စောစိုင်းမွန်ကို ဆက်လုပ်ရန် ညွှန်ကြားလိုက်သည်။

နောက်နေ့ နိုဝင်ဘာလ ၃ဝ ရက်၊ ၁၉၈၉ ခုနှစ် ခရီးစထွက်သည်၊ တစ်နေ့လုံး ကားစီးသည်၊ တစ်ညလုံး ကားစီးပြီး ညသန်းခေါင်ကျော်မှ (မိုးတောင်) ရောက်တော့သည်။ (Sweet December) ဟု ပြိုင်တူ ထောပနာပြုသံ ကြားနေရသည်။

“သြော် ဒီဇင်ဘာလတောင် ရောက်တော့မှာလား။”

ကျန်ခဲ့တဲ့ ဇနီးနဲ့သား၊ သမီးလေးတွေ (Sweet December) ည ဘုရားဝတ်ပြုကြတော့မည်ကို မြင်ယောင်လာသည်။

ဆောင်းပါးရှင် - ဖထီး မန်းရောဘဇန်


0 comments:

Post a Comment