ကျနော်နှင့်
(ယွားဟေလူ) သို့မဟုတ် ပွိုင့် (၄၉၁) - အပိုင်း (၂)
အပိုင်း (၁) ကို ဒီနေရာမှာ နှိပ်ပြီး ပြန်လည်လေ့လာ ဖတ်ရှုနိုင်ပါတယ်။
နောက်နေ့ (ဂျိုးတောင်) ရွာထဲသွားပြီး (ရွှေလှပိုင်) ဆိုသူနှင့် တွေ့သည်။ အလွန် ဖေါ်ရွေပါသည်။
သူ့ထံမှလည်း ရန်သူ့ သတင်း အတော်ရလိုက်သည်။ ကျနော်တို့ ထိုတဲ၌ နေစဉ်အတွင်း ရွာသားများလာကြသည်။ ချက်စားရန် ကြက်များ ယူလာ သည်။ သို့သော် စားဆီမရှိ၊ အုံးဆီနှင့် ချက်စားရသည်။ (စွန်ပဒတ်) သီး အမှည့်များ ယူလာသည်။ ပိန္နဲသီးနှင့် အတော့်ကို တူသည်၊ သို့သော် အရွယ်ငယ်သည်။ အလွန် ချိုမွှေးသည်။
မှတ်ချက်။ ။ ရွှေလှပိုင်သည် ပင်လယ် ဓါးပြဗိုလ်ဖြစ်သည်။ ဆင်းရဲသားများကို ဓါးပြမတိုက်၊ သူဌေးများကိုသာ တိုက်သည်။ တိုက်ရာပါများကို ဆင်းရဲသားများသို့ ဝေပေးကြောင်း နောင်မှ သိရသည်။ ပင်လယ် (ဓါးပြ) အဖွဲ့များ တနင်္သာရီကမ်း တလျှောက် များစွာရှိသည်။ အင်အားရှစ်ဆယ်မှ တစ်ရာအထိရှိပြီး ခေတ်မှီလက်နက်ကြီး၊ လက်နက်ငယ်များရှိသည်။ လိုအပ် သော သတင်းအချက်အလက် ရရှိပြီးဖြစ်သဖြင့် (မိုးတောင်) သို့ ပြန်တက်လာကြသည်။ (မိုးတောင်) ရောက်ပြီး (လပေါဝါး) (ငွေလိုင်းဖြူ) စစ်ဆင်ရေး စီမံချက်ရေးသားပြီး ဥက္ကဌကြီးကို တင်ပြသည်။
နောက်တစ်ရက်၊ နှစ်ရက်တွင် တပ်မဟာ (၆) (ဝေါ်လေ) မိမိစခန်းသို့ ပြန်ရောက်သည်။ တပ်မှူးထံသို့ ခရီးစဉ်နှင့် (လပေါဝါး) စစ်ဆင်ရေး စီမံချက်ကို ပြသည်။ (လပေါဝါး) စစ်ဆင်ရေးသည် (Promise land) စစ်ဆင်ရေးကြီး၏ ထောက်ပံ့ရေး စီမံချက် ဖြစ်သည်။ (ဝေါ်လေ) အောက်စခန်း၌ ရဲဘော်များနှင့် စည်ကားနေသည်။ ဘော်လီဘော ပုတ်သူပုတ်၊ ပိုက်ကျော်ခြင်း ခတ်သူခတ်၊ ငှက်ပျောပင်ခြေရင်းရှိ ပတ်လည်ထိုင်ခုံတွင် ဂီတာ တီးသူတီးနှင့် စိုပြေနေသည်၊ သာယာလှပနေသည်။ လာမည့် တစ်ရက်၊ နှစ်ရက် အတွင်း ခရီးရှည် ချီတက်ကြရတော့မည်။ ခရီးမထွက်မှီ (ဝေါ်လေ) စစ်ဆေးရုံမှ ဆေးသူနာပြု ဆရာမများနှင့် ချစ်ကျွမ်းဝင်နေကြသော ဗိုလ်တင့်လွင်နှင့် တပ်ကြပ်ကြီး ဂျိုးဖြူ (တပ်ထဲဝင် လာစဉ် လွတ်လပ်ရေးနှင့် ငြိမ်းချမ်းရေးအတွက် တိုက်ပွဲဝင်မည့် ရဲဘော်အဖြစ် ရည်မှန်း၍ ငြိမ်းချမ်းရေး ဂျိုးဖြူအဖြစ် မှည့်ပေးလိုက်သော အမည် ဖြစ်သည်) တို့နှစ်ဦး မိမိထံလာရောက်၍ တပ်ပြင် ထွက်ခွင့်တောင်းသည်။ သူတို့နှစ်ယောက် မိမိထံလာပြီး ပြုံးစိပြုံးစိနှင့် -
“ကျနော်တို့ကို ဆေးရုံဘက် သွားခွင့်ပေးပါ”
“ငါသိပါတယ်၊ ခရီးထွက်ခါနီး မှာစရာရှိတာ မှာကြပေါ့ကွာ” ခွင့်ပေးလိုက်သည်။
အခြားရဲဘော်များလည်း အသီးသီး ခွင့်တောင်းကြသည်။ တပ်ပြင် ထွက်ခွင့်ကို စံနစ်တကျ လုပ်ထားသည်။ သတ်မှတ်ချိန် အမှီပြန်ရောက်ရန် ညွှန်ကြားထားပြီး ဖြစ်သည်။ သတ်မှတ်ချိန်လွန်မှ ပြန်ရောက်လာသော ရဲဘော် လှထွန်းဦးနှင့် ရဲဘော် ငြိမ်းငြိမ်းတို့ နှစ်ဦးကို ခေါ်တွေ့သည်၊ အရက်အတော်မူးနေပုံ ပေါ်နေသည်၊ သတ်မှတ်ချိန် အမှီရောက်ရန် ပြေးလာကြသည်။
“မောလိုက်တာ သောက်ထားတဲ့အရက်တွေ ဘယ်ရောက်ကုန်မှန်းတောင်မသိတော့ဘူး” ဟု ပြောလာကြသည်။
သို့သော်သတ်မှတ်ချိန်မရောက်။ အချုပ်တို့၊ ကြိမ်ဒဏ်တို့ ပေးခဲ့ပြီးဖြစ်သည်။ ရဲဘော်တွေကို မနစ်နာစေချင်တဲ့ စေတနာလည်း ပါသည်။ (စည်းကမ်းမရှိတဲ့ လက်နက်ကိုင်တပ်ဟာ တပ်မတော် မဟုတ်ဘူး၊ ဓါးပြအဖွဲ့ဘဲ ဖြစ်သည်။ ထို့ကြောင့် စည်းကမ်းရှိတဲ့ တပ်မတော် ဖြစ်ရေးကို ကြိုးစားလုပ်ဆောင်သည်။
“မင်းတို့သတ်မှတ်တဲ့ အချိန်လွန်သွားတယ်၊ ဒုတ်ယူမလား။ ဒါဏ်ယူမလား”
“ဒါဏ်ယူမယ်။”
“ကဲ၊ ဒါဆို ဟိုမှာထားတဲ့ နို့ဆီဗူးနှစ်ဗူးကို သွားယူလိုက်၊ ပြီးရင် အလံတိုင် အောက်မှာထားတဲ့ လေးထောင့်သံပုန်းထဲ ရေအပြည့်ထည့်” လို့ ညွှန်ကြားလိုက်သည်။
မှတ်ချက်။ နို့ဆီဘူးနှစ်ဘူးနှင့် လေးထောင့်သံပုံး ရေအပြည့်ဖြည့်ရန် မည်မျှကြာမည်ကို ခန့်မှန်းနိုင်မည် ဖြစ်သည်။ ဒါဏ်ယူပါက ကြိမ်ဒါဏ်ဖြစ်သည်။ ကြခတ်ဝါး လက်မအရွယ်၊ နှစ်တောင်ခန့် ဖြတ်ထားသည်။ အနည်းဆုံး (၃) ချက်မှ (၅) ချက်အထိ အပစ်ပေးခံရမည် ဖြစ်သည်။ တပ်ဖွဲ့ရုံးသည် တောင်ကုန်းပေါ်တွင် ရှိသည်။ ချောင်းထဲကို (၇) မိနစ်ခန့် ဆင်း ရမည် ဖြစ်သည်။ နို့ဆီဘူး (၄) ဘူးနှင့် လေးထောင့်သံပုံးအပြည့် ဘယ်နှစ်ခေါက် တက်လိုက်ဆင်းလိုက် ရေအပြည့်ခပ် ရမည်ကို ခန့်မှန်းနိုင်ပါသည်။ ဘယ်ရဲဘော်က လက်သရမ်း ထားသည် မသိ၊ နို့ဆီဘူးများကို အပေါက်ကလေးများပင် ဖေါက်ထားသေးသည်။ ကျွန်တော်တို့ တပ်သစ်ကို တပ်ဟောင်းတွေက အင်အားဖြည့်ဖို့ သူတို့လူတွေ လွှတ်ရင် မကောင်းတဲ့လူတွေ လွှတ်တာများသည်။ မ တစ်ထောင်သားတွေ၊ အခြားတပ်က လက်မခံချင်သူတွေဆိုတော့ ဒီလောက်လေးတော့ ရှိနိုင်ပါသည်။
ဆောင်းပါးရှင် - ဖထီး မန်းရောဘဇန်
0 comments:
Post a Comment